Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio
Skip to content
XXII Xeira Alén Miñor a Ulloa (8-9 xuño 2019)
Escrito por IEM -Sec   
Domingo, 19 Maio 2019 23:08
59906157_2402988413083513_7436609553740857344_n
O vindeiro mes de xuño, no principio das calores, remataremos o primeiro ciclo do ano da sección Xeiras Alén Miñor. Desta volta recoñeceremos as Terras de Ulloa, formadas polos concellos de Monterroso, Palas de Rei e Antas de Ulla.
O segundo río máis importante do país, despois da cunca Miño-Sil, dá nome á bisbarra que nos acolle. E segue nomeando, alá por onde pasa, a Ulla no seu curso medio e o Ullán na súa desembocadura na ría de Arousa. Vai marcando o limite xeográfico e fronteira natural entre A Coruña e Pontevedra, logo de deixar as de Lugo onde abrolla (entre o Alto do Corno e os Montes de Vacaloura, na parroquia de Ansar, Taboada).
Durante os dous días de visitas e percorridos acompañaranos xunto coas súas infinitas regueiras e tributarios (Pambre, Furelos, Arnego etc.). Angostas carballeiras e bosques de ribeira, ben conservados aínda, perduran polo territorio, que xunto a fondura dos seus canóns e rápidos conseguen unha paisaxe de beleza extraordinaria. Os Torrentes do Mácara son bo exemplo. Un pouco máis abaixo Portodemouros encargarase de acougalo.
No seu discorrer, o río supuxo ó longo da historia unha importante barreira natural, que os homes salvaban usando enxeño e pericia, ou ben con barcas ou con pontes, este paso obrigado de camiñantes, viaxeiro, arrieiros, comerciantes e moitos peregrinos. A pé ou en carruaxes, carros, bestas e cabalaria, facíanse os camiños.
Unha fin de semana apaxioante, con moitas referencias culturais para admirar e reter no maxín. Entre outras:
Ler máis...
 
XXI XEIRA ALÉN MIÑOR ALLARIZ (11 MAIO 2019)
Escrito por IEM -Sec   
Sábado, 06 Abril 2019 13:09

puente-romano-de-allariz-sobre-el-ro-arnoia-visita-al-pueblo-de-allariz-ourense-galicia-espaa

Na próxima xeira faremos un percorrido pola  Vila de Allariz e bisbarra, onde coñeceremos a súa historia, que é parte da nosa;algún gobernante, no pasado, dixo que era a “chave do Reino de Galicia”.Lugares, persoeiros e símbolos tan significativos como o “Castelo invisible” (cos seus treitosamurallados), o Convento das Clarisas, ou a estatua do Boi con todas as súas circunstancias pasadas e presentes que vinculan os seus moradores con este animal. O lobishome, preso e xulgado nesta vila,aínda que as súas malfeitorías e falcatruadas sucedesen tamén noutros lugares, etc.

Na contorna de Santa Mariña de Augas Santas atopamos varios monumentos de grande interese relacionados coa lenda da santa: un castro prerromano e un carreiro cunha paisaxe e natureza espectaculares, unha calzada romana moi transitada na Idade Media, unha importante cidade romana (S. I e II despois de Cristo) onde viviu Mariña, unha sauna prerromana e o forno, cuberto posteriormente por unha basílica templaria, no que segundo esa lenda sobreviviu a todas as torturas sen ceder aos desexos de Olibrio, alto cargo romano, ata que foi decapitada, converténdose nunha fonte santa en cada punto no que botou a cabeza.

 

A primeira construción data da época Constantiniana. Posteriormente, nos albores da Reconquista, levantouse unha igrexa de maiores dimensións que a anterior. Finalmente, foron os Cóengos de San Agustín quen comezaron a construción do actual Santuario, aínda que non remataron a súa obra. Considérase que a igrexa foi construída entre finais do S. XII e comezos do S. XIII, con arranxo ao estilo cisterciense, e moi influenciada pola próxima Igrexa de Xunqueira de Ambía.

O rematar a visita pasearemos por unha carballeira senlleira ata as escavacións arqueolóxicas da “Cibdá de Armea” e o conxunto rupestre do Monte Señoriño, castro prerromano.

 

Ler máis...
 
Homenaxe a Antonio Fraguas Fraguas. Xoves 23 de maio ás 20:30H
Escrito por IEM -Sec   
Venres, 17 Maio 2019 00:10

cartaz letras galegas 2019

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

 
Obra gañadora do II Certame de Creación Literaria: Día de pesadelo
Escrito por IEM -Sec   
Martes, 02 Abril 2019 20:50

DÍA DE PESADELO

Por Carolina Figueroa Granja, Erea Estévez Vilar

e Zayra Costas González, 11 anos, 6º E.P.

Colexio: ceip Souto-Donas

 

PERSONAXES:

— LAURA: muller nova, propietaria dun negocio e con familia.

— LOLA: muller de mediana idade, traballa de panadeira e ten dous fillos.

— ÚRSULA: nena, filla da panadeira.

— LUCAS: neno, fillo da panadeira.

— MANUEL: vello do lugar, un pouco xordo.

— ROSA: vella do lugar e muller de Manuel.

— ANDREA: moza adolescente, filla de Laura.

— ANDRÉS: mozo.

— ENMA: nena, filla de Laura.

— ANTÓN: home novo e marido de Laura.

 

INTRODUCIÓN:

A obra transcorre nunha tenda de roupa propiedade de Laura, unha moza moi atrevida que decidiu abrir o seu propio negocio.

Cando se abre o pano aparece Laura en escena moi atarefada colocando a mercadoría da nova tempada.

O escenario ten estantes cheos de roupa, un mostrador con aparatos de traballo de Laura (ordenador, teléfono, tpv, axenda, .....), e noutro punto do escenario unha morea de caixas cheas de mercadoría para desempaquetar.

 

Ler máis...
 
Convocatoria do XII Premio de poesía Victoriano Taibo
Escrito por IEM -Sec   
Xoves, 11 Abril 2019 23:43
premio-vt

XII Premio de poesía Victoriano Taibo

 

O Instituto de Estudos Miñoráns (IEM), en colaboración co Concello de Gondomar, convoca o XII Premio de poesía Victoriano Taibo, dotado con 3000 € e unha escultura conmemorativa de Fino Lorenzo. Rexerase polas seguintes

BASES:

1. Os traballos presentados deberán ser orixinais e inéditos, de temática libre, non poderán ser adaptacións nin ter sido premiados noutro certame no momento da decisión do xurado. Estarán escritos en lingua galega, de acordo coas Normas ortográficas e morfolóxicas do idioma galegoda Real Academia Galega e do Instituto da Lingua Galega (NOMIG, 2003).
2. Cada traballo consistirá nun ou varios textos poéticos, cunha extensión non inferior a 300 versos con unidade temática.
3. Os traballos presentaranse por quintuplicado, mecanografados a dobre espazo, con letra Times New Roman e corpo 12 nun sobre pechado identificado co lema, alcume, pseudónimo ou o título elixido polo autor/a.
Así mesmo, dentro deste sobre, xunto cos traballos incluirase outro sobre pechado identificado co devandito lema, título..., que conterá os datos persoais (nome, apelidos, copia de DNI, teléfono de contacto e enderezo electrónico. O xurado só o abrirá no caso de ser premiado

Os traballos enviaranse por correo ao seguinte enderezo:

Apartado 30

36380 Gondomar (Pontevedra)

Ler máis...
 
Resolución do II Certame Escolar de Creación Dramática.
Escrito por IEM -Sec   
Martes, 02 Abril 2019 20:13
Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 1 de 221