Skip to content

IEM - Instituto de Estudos Miñoranos

Increase font size Decrease font size Default font size

Destacados

PRESENTACIÓN EN PONTEVEDRA D’A RELIXIÓN DO MAR o venres día 26 ás 20:00 horas.

PRESENTACIÓN EN PONTEVEDRA D'A RELIXIÓN DO MAR

O Ateneo de Pontevedra organiza a presentación, na libraría Paz desta cidade, do poemario A relixión do mar, de Xosé Iglesias Lamela, que obtivo en 2016 o IX Premio de Poesía Victoriano Taibo convocado polo concello de Gondomar e xestionado polo Instituto de Estudos Miñoráns.

O autor, mariñeiro en activo, rende neste libro unha homenaxe ao mar en todas as facetas con el relacionadas e faino coa forza, a autenticidade e a creatividade de quen ama profundamente o que fai e o que di; talvez por iso o poemario tivo unha traxectoria tan afortunada con abundancia de críticas favorables e presentacións en moitos lugares de Galicia. Agora tócalle recibilo a Pontevedra da man do tamén poeta (e máis cousas: profesor, etnógrafo, activista cultural) Calros Solla, gañador en 2011 do IV Premio de Poesía Victoriano Taibo coa obra Holocausto zacoe, que compite con esta en forza, creatividade e orixinalidade, aínda que nun rexistro totalmente distinto.

O acto terá lugar o venres día 26 ás 20:00 horas na Libraría Paz, situada en rúa Peregrina nº 29 de Pontevedra.

Está en:  Inicio
Skip to content
Presentación do libro: Carlos Casares. Vida e literatura. De Damián Villalaín.
Escrito por IEM -Sec   
Sábado, 27 Maio 2017 23:33

10009389013

Presentación de

Carlos Casares. Vida e literatura.

De Damián Villalaín.

Unidos pola amizade con Carlos Casares, Camiño Noia desde a súa etapa de compañeiros de carreira na Universidade de Santiago e Damián Villalaín compartido responsabilidades na Editorial Galaxia durante máis dunha década, ambos amigos ofrecerán unha breve “tertulia” á maneira do lembrado e celebrado Carlos Casares.
Damián Villalaín (Vigo, 1958) é licenciado en Historia da Arte e na actualidade profesor da Escola Superior de Arte Dramática de Galicia. Escritor, crítico teatral, editor e xornalista, traballou na revista "Tintimán" e nos xornais "Atlántico diario" e "La Voz de Galicia", foi director do Centro Dramático Galego e subdirector da editorial Galaxia (1991-2002). En 2002 encargouse, xunto con Xan Carballa, da edición do libro Carlos Casares. Os amigos, as imaxes, as palabras. Membro da Fundación Carlos Casares, é un dos mellores coñecedores da figura humana e literaria deste escritor.
O acto terá lugar o vindeiro venres 2 de xuño ás 20:30 horas, para poder rematar ás 22:00, na Aula de Cultura Ponte de Rosas, Avenida da Feira, 10 baixo en Gondomar.
 
Homenaxe a Carlos Casares no auditorio municipal Lois Tobío de Gondomar o 17 de maio ás 19:30h.
Escrito por IEM -Sec   
Venres, 12 Maio 2017 21:52
casares iem
Cartel divulgativo do evento da autoría de Fino Lorenzo.

O vindeiro 17 de maio, Día das Letras Galegas, o Instituto de Estudos Miñoráns e o concello de Gondomar, a través da concellería de Cultura, homenaxearán a Carlos Casares, miñorán de adopción, cun acto amenizado polo grupo musical, nesta ocasión en formato trío, 2naFronteira (cuxo amplo repertorio incluirá algún poema do escritor celebrado) e dirixido por Marta Dacosta, que irá dando paso a outras actividades, entre as que sobresae a lectura pública de textos do autor homenaxeado. Cómpre tamén salientar a proxección do vídeo Do Vilariño ao Carlos Casares, elaborado polo alumnado e o profesorado do CEIP Carlos Casares, de Vilariño (Nigrán).
O acto comezará ás 19:30h no auditorio municipal Lois Tobío, de Gondomar.

 
Proxección do documental " A Guerra tamén foi nossa"da RTP, Radio Televisión de Portugal, sobre a historia dos portugueses represaliados polo franquismo na guerra civil española.
Escrito por IEM -Sec   
Xoves, 25 Maio 2017 22:32

a guerra tamn foi nossa

O Instituto de Estudos Miñoráns presentará o vindeiro mércores 31 de maio, ás 20:30H na Aula de Cultura Ponte de Rosas, Avenida da Feira, 10 baixo en Gondomar a proxección do documental" A Guerra tamén foi nossa" da RTP, Radio Televisión de Portugal, sobre a historia dos portugueses represaliados polo franquismo na guerra civil española.

Haberá un coloquio coas autoras da reportaxe Ana Luisa Rodrigues e Carla Quirino.

Presentarán o acto Xilberte Manso de la Torre e Antonio Arauxo Quintas.

 
Félix Rodrigo Mora no faladoiro "A crise das megalópoles e o movemento da nova ruralidade" o venres 19 de maio ás 20:30h.
Escrito por IEM -Sec   
Mércores, 10 Maio 2017 19:45

flix r

O vindeiro venres, 19 de maio ás 20:30h, terá lugar o faladoiro "A crise das megalópoles e o movemento da nova ruralidade" por Félix Rodrigo Mora e presentado por César Lema.
Organizado pola Rede Galega de Sementes ( Val Miñor) coa colaboración do IEM, que se desenvolverá na Aula de Cultura Ponte de Rosas, Avenida da Feira Nº 10 baixo, Gondomar.

"Tras decenios dun crecemento patolóxico das grandes cidades agora asistimos á posta en evidencia da súa irracionalidade e disfuncionalidade. Se ata hai pouco eran a expresión mesmo do óptimo, fronte a unha ruralidade estigmatizada de mil maneiras, hoxe son consideradas pola maioría dos seus habitantes como un espazo cada día máis negativo para facer nel a vida. Moitos desexan abandonalas e unha minoría atrévese xa facelo. Todo iso constitúe un dos problemas máis palpitantes do noso tempo"

Félix Rodrigo Mora

Escritor, historiador, filósofo e político nado en Soria en 1951. Autodidacta e alleo ao mundo académico.

Estudoso crítico das formas de estado, os sistemas de goberno e investigador da sociedade rural popular e a natureza negativa do estado de benestar.

Autor de 23 libros relacionados coa historia, a política, a economía e a ética, entre eles: Pensar o 15M e outros textos, O xiro estatolátrico, Repudio experiencial do Estado de Benestar, Seis estudos sobre política, historia, tecnoloxía, universidade, ética e pedagoxía, Crise e utopía no século XXI. Natureza, ruralidade e civilización.

 
PRESENTACIÓN EN PONTEVEDRA D’A RELIXIÓN DO MAR o venres día 26 ás 20:00 horas.
Escrito por IEM -Sec   
Mércores, 24 Maio 2017 17:40

xiljpg

PRESENTACIÓN EN PONTEVEDRA D'A RELIXIÓN DO MAR

O Ateneo de Pontevedra organiza a presentación, na libraría Paz desta cidade, do poemario A relixión do mar, de Xosé Iglesias Lamela, que obtivo en 2016 o IX Premio de Poesía Victoriano Taibo convocado polo concello de Gondomar e xestionado polo Instituto de Estudos Miñoráns.

O autor, mariñeiro en activo, rende neste libro unha homenaxe ao mar en todas as facetas con el relacionadas e faino coa forza, a autenticidade e a creatividade de quen ama profundamente o que fai e o que di; talvez por iso o poemario tivo unha traxectoria tan afortunada con abundancia de críticas favorables e presentacións en moitos lugares de Galicia. Agora tócalle recibilo a Pontevedra da man do tamén poeta (e máis cousas: profesor, etnógrafo, activista cultural) Calros Solla, gañador en 2011 do IV Premio de Poesía Victoriano Taibo coa obra Holocausto zacoe, que compite con esta en forza, creatividade e orixinalidade, aínda que nun rexistro totalmente distinto.

O acto terá lugar o venres día 26 ás 20:00 horas na Libraría Paz, situada en rúa Peregrina nº 29 de Pontevedra.

 
David Posada González, un dos científicos máis influentes do mundo, no faladoiro "Cancro e evolución" o venres, 28 de abril, ás 20:30h
Escrito por IEM -Sec   
Venres, 21 Abril 2017 18:10

colegio-oficial

O Instituto de Estudos Miñoráns convídaos a asistir o vindeiro venres día 28 de abril ás 20:30h ao faladoiro "Cancro e evolución", que se desenvolverá na Aula de Cultura Ponte de Rosas, Avenida da Feira Nº 10 baixo, Gondomar, por David Posada González e será presentado por Xulián Maure Rivas, director do IEM.

O cancro é unha enfermidade xenética no que unha célula adquire novas características que lle permiten desenvolverse rapidamente e sen control. Os tumores evolucionan de maneira similar ás poboacións naturais, competindo polos recursos e adaptándose ao medio. Nesta charla explicarase de que maneira o estudo evolutivo do cancro pode axudar a un mellor entendemento desta terrible doenza.

David Posada (Vigo, 1971), director do Laboratorio de Filoxenética da Universidade de Vigo, converteuse nunha das grandes referencias da ciencia galega. E tamén o que, en certo xeito, abriu o camiño cara á excelencia con sinal europeo. No 2008 converteuse no primeiro científico de Galicia en obter unha Starting Grant do Consello Europeo de Investigación (ERC) e hai catro anos obtivo unha renovación do programa a través dunha Consolidator Grant, algo que, ata o momento, non logrou ninguén na comunidade.

Pero a súa calidade non está só avalada polo éxito á hora de acceder a convocatorias internacionais moi competitivas, senón tamén polo impacto da súa investigación, medido nas citas que outros autores realizan dos seus traballos. Con máis de 26.000 citas, algo absolutamente inusual para un científico da súa idade, conseguiu que tres dos seus artigos científicos efectuados en Galicia convertéranse nos máis citados de todos os levados a cabo ata o momento por calquera investigado que traballe na comunidade.

Pero é máis, este catedrático de Xenética da Universidade de Vigo alcanzou un logro do que moi poucos poden presumir e que, en termos de impacto, convérteo nun dos científicos máis influentes do mundo: unha publicación súa, Modeltest: Testing the model vos DNA, artigo que asinou en 1988 en Estados Unidos xunto ao profesor Keith A. Crandall, foi engadido hai dous anos pola revista Nature como un dos cen artigos científicos máis citados de todos os tempos. Ocupa, en concreto, o posto número 76, con preto de 15.000 citas.

 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 1 de 199