Skip to content

IEM - Instituto de Estudos Miñoranos

Increase font size Decrease font size Default font size

Destacados

Proxección do documental "A luz do negro" de Encarna Otero sobre o traballo na mina das mulleres de Fontao. Venres 29 ás 20:30H

O venres 29 de marzo ás 20:30H o IEM proxectará A luz do negro,un documental de Encarna Otero sobre o traballo na mina das mulleres de Fontao.Será presentado por Diego Casal Ramos, enxeñeiro de minas e membro do Comité de Patrimonio da Cámara Oficial Mineira de Galicia.Ao finalizar a proxección haberá un coloquio con Encarna Otero.

O acto terá lugar na Aula de Cultura Ponte de Rosas, Gondomar.

 

A luz do negro. O wolframio da Brea e o poboado de Fontao

 

A LUZ DO NEGRO


(España, 2014)


Dirección e guión: Encarna Otero.

Realización: Beatriz Pérez e Manuel Gago.

Produción: Consello da Cultura Galega.

Fotografía: Teresa Navarro.

Duración: 33 minutos.

 

No ano 1939, a Brea era unha das grandes minas de volframio activas a nivel mundial. Axentes aliados e alemáns releaban pola compra do "ouro negro", do mineral estratéxico para o armamento da II Guerra Mundial. Isto xera unha febre mineira que ocupou miles de homes e mulleres na súa procura. A construción do poboado mineiro do Fontao na década dos cincuenta do século XX e o feito de que a actividade mineira da Brea, aínda que se vai reducindo paulatinamente, se prolongue ata a década dos sesenta fan deste territorio da Brea unha fonte rica de testemuñas, de mulleres que coa súa memoria nos achegan a realidade da vida na mina, a amosaren particularidades concretas e ben diferentes do que vivían moitas outras na Galiza dos escuros anos corenta, anos de represión, fame, miseria, anos de tanta dor. Con A luz do negro, perséguese que as testemuñas alumeen un mundo, o da minaría, onde as mulleres sempre fican agochadas.
Está en:  Inicio
Skip to content
Moción no Parlamento de Galicia: Regulamento específico para os garranos. Moción presentada pola deputada Anxeles Cuña.
Escrito por IEM -Sec   
Mércores, 27 Marzo 2019 01:15

captura de pantalla 2019-03-27 a las 00.18.46

Moción no Parlamento de Galicia sobre a nosa proposta para a creación dun Regulamento específico para os garranos. Moción presentada pola deputada Anxeles Cuña.

http://mediateca.parlamentodegalicia.gal/library/items/pleno-parlamento-2019-03-26?fbclid=IwAR0f8KuAzvpnAxbWJV-I5MovQPdH3aMmGZNUxOW-rlvtoyBo7r-Bdb1RL5E&part=3406cb9d-fa60-4b2a-8a86-0e96b59ab338&start=9778

 
Alberto Pazos no faladoiro do ciclo "Galicia 2017-2020: presente e futuros. Municipalismo." Venres 22 de marzo ás 20:30h.
Escrito por IEM -Sec   
Martes, 19 Marzo 2019 21:14
O Instituto de Estudos Miñoráns convídaos a asistir este venres día 22 de marzo ás 20:30h ao faladoiro do ciclo "Galicia 2017-2020: presente e futuros. Municipalismo" no que intervirá o deputado e secretario de organización do Partido Popular de Galicia, Alberto Pazos.

Moderará a xornada Laudelino Pellitero (analista internacional)

O contido da xornada tratará sobre o municipalismo.

A xornada desenvolverase na Aula de Cultura Ponte de Rosas, Avenida da Feira Nº 10 baixo, Gondomar.

 
Convocatoria Asemblea Xeral Socios/as. Luns 25 de marzo.
Escrito por IEM -Sec   
Domingo, 24 Marzo 2019 01:57
Por medio da presente, convócase aos socios/as á Asemblea Xeral de Socios/as da asociación Instituto de Estudos Miñoráns con CIF: G-36867471 que se celebrará no lugar, data e hora abaixo indicados, segundo a orde do día que se especifica.

TIPO DE REUNIÓN: ASEMBLEA XERAL

DATA DA REUNIÓN: Luns 25 de marzo de 2019

HORA DA SESIÓN, 1ª convocatoria: 19:30 HORAS

HORA DA SESIÓN, 2ª convocatoria: 20:00 HORAS

LUGAR: Aula de Cultura Ponte de Rosas, sede do IEM, Avda. da Feira, 10 Baixo 36380 Gondomar.

ORDE DO DÍA:

1. Lectura e aprobación, se procede, da acta da reunión anterior, correspondente á Asemblea Xeral do 7 de febreiro de 2018.

2. Informe director.

3. Aprobación se procede das Contas anuais 2018 da asociación.

4. Informe actualizado do número de socios/as e altas no ano 2018.

5. Informe actualizado sobre as diferentes convocatorias de axudas solicitadas aos distintos organismos institucionais.

6. Presentación da Memoria de actividades 2018 da asociación.

7. Proxectos para o ano 2019.

8. Rogos e preguntas.

Informámoslles que están a súa disposición, no local do IEM, as actas nomeadas na orde do día para a súa aprobación e as contas do IEM.

 
Iván Puentes no faladoiro do ciclo "Galicia 2017-2020: presente e futuros. Municipalismo." Venres 15 de marzo ás 20:30h
Escrito por IEM -Sec   
Mércores, 13 Marzo 2019 18:00
O Instituto de Estudos Miñoráns convídaos a asistir o venres día 15 de marzo ás 20:30h ao faladoiro do ciclo "Galicia 2017-2020: presente e futuros" no que intervirá o secretario de política municipal do Partido Socialista de Galicia, Iván Puentes.

Moderará a xornada Luís Álvarez Pousa (director da revista Tempos Novos).

O contido da xornada tratará sobre a situación de Galicia 2017-2020 respecto do municipalismo.

A xornada desenvolverase na Aula de Cultura Ponte de Rosas, Avenida da Feira Nº 10 baixo, Gondomar.
 
Proxección do documental "A luz do negro" de Encarna Otero sobre o traballo na mina das mulleres de Fontao. Venres 29 ás 20:30H
Escrito por IEM -Sec   
Mércores, 20 Marzo 2019 21:13
aluzdonegro

O venres 29 de marzo ás 20:30H o IEM proxectará A luz do negro,un documental de Encarna Otero sobre o traballo na mina das mulleres de Fontao.Será presentado por Diego Casal Ramos, enxeñeiro de minas e membro do Comité de Patrimonio da Cámara Oficial Mineira de Galicia.Ao finalizar a proxección haberá un coloquio con Encarna Otero.

O acto terá lugar na Aula de Cultura Ponte de Rosas, Gondomar.

 

A luz do negro. O wolframio da Brea e o poboado de Fontao

 

A LUZ DO NEGRO


(España, 2014)


Dirección e guión: Encarna Otero.

Realización: Beatriz Pérez e Manuel Gago.

Produción: Consello da Cultura Galega.

Fotografía: Teresa Navarro.

Duración: 33 minutos.

 

No ano 1939, a Brea era unha das grandes minas de volframio activas a nivel mundial. Axentes aliados e alemáns releaban pola compra do "ouro negro", do mineral estratéxico para o armamento da II Guerra Mundial. Isto xera unha febre mineira que ocupou miles de homes e mulleres na súa procura. A construción do poboado mineiro do Fontao na década dos cincuenta do século XX e o feito de que a actividade mineira da Brea, aínda que se vai reducindo paulatinamente, se prolongue ata a década dos sesenta fan deste territorio da Brea unha fonte rica de testemuñas, de mulleres que coa súa memoria nos achegan a realidade da vida na mina, a amosaren particularidades concretas e ben diferentes do que vivían moitas outras na Galiza dos escuros anos corenta, anos de represión, fame, miseria, anos de tanta dor. Con A luz do negro, perséguese que as testemuñas alumeen un mundo, o da minaría, onde as mulleres sempre fican agochadas.
 
XEIRA XX ALÉN MIÑOR (6-7 Abril 2019) MONFORTE-QUIROGA
Escrito por IEM -Sec   
Martes, 05 Marzo 2019 01:09
boca1
Iniciamos esta visita pola zona alta da Vila de Monforte, no conxunto monumental de San Vicente do Pino. Segundo algúns autores, neste lugar estivo emprazado o Castro Dactonium. Descenderemos a pé ata o Campo da Compañía. Polo camiño pasaremos pola Porta Nova, unha das entradas da vella muralla medieval, que nos levará ata o casco antigo de Monforte e o seu barrio de ámbito xudeu. Percorrendo estas rúas coñeceremos os barrios gremiais e os lugares de tradición xudía. Sairemos do recinto amurallado pola Porta da Alcazaba, a máis antiga que se conserva. Baixaremos ata achegarmos ao cárcere vello. Á beira do cárcere vello atópanse os restos doutra das portas da muralla. Desde aquí seguimos camiñando cara á rúa do Comercio, na que atopamos unha casa con balconada e con moita historia: o antigo hospital da Orde de Santo Antonio. Tamén foi casa consistorial, e na actualidade atópase a oficina municipal de turismo e o Centro do viño da Ribeira Sacra. Moi preto deste lugar atópase unha pequena rúa, na que poderemos ver a casa máis estreita de España, recollida no libro Guinnes. A súa fachada ten 1, 5 m de ancho.
Cruzaremos a Ponte Vella, de orixe romana, e atoparémonos coa fachada do Convento das Nais Clarisas ( século XVII) fundado polos VII Condes de Lemos, que alberga o segundo Museo de Arte Sacra máis importante de España. A partir de aquí, cruzaremos o río Cabe e dedicaremos o noso tempo ao Colexio da nosa Señora a Antiga, máis coñecido como Escorial Galego, situado no campo da Compañía. Foi fundado polo cardeal D. Rodrigo de Castro no ano 1593, fillo da III Condesa de Lemos Dona Beatriz de Castro e de Álvaro Osorio.
Este grandioso monumento (110 m de fachada) alberga unha curiosa escaleira monumental, dous claustros renacentistas, a igrexa xesuítica e unha pinacoteca con obras de autores importantes como O Greco.

Pazo de Tor

O Pazo de Tor está situado nunha elevación que lle serve de miradoiro sobre o Val de Lemos na parroquia de San Xoán de Tor, pertencente ao concello de Monforte de Lemos. As orixes do pazo están ligados á liñaxe dos Garza no século XIV. O edificio foi construído no último terzo do século XVIII, aínda que conserva algún vestixio anterior, e foi tamén afectado por algunha reforma posterior (como as reparacións efectuadas tras o seu incendio polas tropas napoleónicas). É encadrable dentro do estilo barroco, de longa persistencia en Galicia, pero xa matizado por certo sentimento estético neoclásico, visible na súa sobriedade, simetría e emprego das ordes clásicas. Os elementos decorativos concéntranse nas fachadas, e a organización interna do edificio diferencia claramente un baixo de servizo que alberga as dependencias necesarias en toda facenda agropecuaria (cocheiras, adegas, cortes, vivenda dos criados e caseiros...) e un primeiro piso reservado a residencia dos donos do pazo. A Deputación Provincial de Lugo acometeu obras de acondicionamento e mellora do edificio, respectando a súa estrutura e distribución, procedendo, xunto co Museo Provincial, á musealización do pazo. No 2006 abre ao público.

 

Ler máis...
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 1 de 220